2014 ОНД ХАМГИЙН ОЛОН МАЛ ТООЛУУЛЛАА

Нийтэлсэн: 2015 он 01 сар 22. 13 цаг 45 минут
Сүхбаатар аймаг нь 1942 онд байгуулагдсанаас хойш нийт мал болоод адуу, хонь, ямаа гэсэн 3 төрөл дээр хамгийн олон малыг 2014 онд тоолууллаа.
Дэлгэрэнгүй

Сүхбаатар аймгийн 12-р сарын нийгэм эдийн засгийн танилцуулга гарлаа.

Нийтэлсэн: 2015 он 01 сар 15. 03 цаг 04 минут
I.1 Өрх, Хүн ам Оны эцэст 16.7 мянган өрх, 57.4 мянган суурин хүн амтай болж урьд оноос өрх 266, хүн ам 1067-оор өслөө. Нийт өрхийн 46.2 хувь, хүн амын 47.7 хувь нь хөдөөд амьдарч байна. Нийт өрхийн 29.6 хувь нь байшинд амьдарч байгаа бөгөөд урьд оноос 0.4 пунктээр өслөө. Төвлөрсөн халаалттай орон сууцанд 1.6 мянган өрх амьдарч байгаа нь урьд оноос 135 өрхөөр өссөн байна. Хүн амын 49.7 хувь нь эмэгтэйчүүд байна. Нийт хүн амын 65.6 хувийг 15-59 насныхан, 28.6 хувийг 0-14 насныхан, 5.8 хувийг 60 ба дээш насныхан эзлэх болсноор хүн ам зүйн ачаалал 52.3 хувьтай байна.
Дэлгэрэнгүй

"Төрийн мэдээллийн цаг" нэвтрүүлэгт оролцов

Нийтэлсэн: 2015 он 01 сар 11. 16 цаг 23 минут
Аймгийн Засаг даргын тамгын газраас бэлтгэн явуулдаг "Төрийн мэдээллийн цаг" нэвтрүүлэгт 2015 оны 01 дүгээр сарын 09-ны өдөр оролцов. Төрийн мэдээллийн цаг нэвтрүүлэгээр хэлтсийн үйл ажиллагааг танилцуулахаас гадна 2014 оны томоохон ажлууд болон 2015 онд хийх ажлын талаар мэдээллийг өглөө.
Дэлгэрэнгүй

Аймгийн удирдлагууд болон агентлаг, албад, ААН-ийн удирдах ажилтнуудад мэдээлэл хийлээ

Нийтэлсэн: 2015 он 01 сар 11. 15 цаг 10 минут
Аймгийн 2014 оны жилийн эцсийн өрх, хүн ам, мал тооллогын урьдчилсан дүн, статистикийн нэгдсэн мэдээллийн сангаас статистик мэдээллийг интернетгүй орчинд хэрхэн авах талаар 2015 оны 01 дүгээр сарын 07-ны өдрийн аймгийн удирдах ажилтны цуглаан дээр хэлтсийн дарга Т.Эрдэнэбат мэдээлэл, сургалтыг хийлээ.
Дэлгэрэнгүй

2014 ОНЫ ЖИЛИЙН ЭЦСИЙН МАЛ ТООЛЛОГЫН УЛС, АЙМАГ, СУМ, БАГУУДЫН ДҮН

Нийтэлсэн: 2015 он 01 сар 10. 22 цаг 23 минут
2014 жилийн эцсийн мал тооллогын урьдчилсан дүнгээр Монгол Улсад 51 сая 980 мянга 926 толгой мал тоологдсон. Харин манай аймагт 2 сая 818 мянга 181 толгой мал тоологдлоо. Аймаг, сум, багуудын мал тооллогын талаарх мэдээллийг дэлгэрэнгүй рүү орж авна уу.
Дэлгэрэнгүй

Монгол Улс 2014 оны 01 дүгээр сард 3 сая дахь иргэнээ угтан авна

Нийтэлсэн: 2015 он 01 сар 09. 22 цаг 38 минут
Монгол Улсын 3 сая дахь иргэнийг тодруулах ажил улс орон даяар эхэлж байгаатай холбогдуулан Үндэсний статистикийн хорооноос ирүүлсэн албан бичиг, "Монгол Улсын 3 сая дахь иргэнийг тодруулах журам" холбогдох шийдвэрүүдийг хүлээн авч, аймгийн эрүүл мэндийн газарт хүргүүлэн ажиллаж байна. Үндэсний статистикийн хорооноос aймгийн Засаг дарга, Эрүүл мэндийн газрын дарга, Нэгдсэн эмнэлэгийн дарга, Статистикийн хэлтсийн дарга нарын оролцуулан видео хурал хийж мэдээлэл, танилцуулга хийлээ. 2014 оны 01 дүгээр сарын 01-ний 00:00 цагаас эхлэн төрсөн хүүхдийн тоо мэдээллийг батлагдсан маягтын дагуу бүртгэн ажиллаж байна.
Дэлгэрэнгүй

Мал тооллогын 2014 оны урьдчилсан дүн гарлаа

Нийтэлсэн: 2015 он 01 сар 07. 08 цаг 49 минут
Мал тооллогын дүнгээр 2014 оны жилийн эцэст манай аймгийн мал сүргийн нийт дүн 2.8 сая толгойд хүрч, 2013 оныхоос 13.1 хувь буюу 326.7 мянгаар өслөө. Таван төрлөөр авч үзвэл адуун сүргийн тоо толгой 231.2 мянга, үхэр 195.9 мянга, тэмээ 8.6 мянга, хонь 1380.8 мянга, ямаа 1001.7 мянгад хүрч, 2013 оныхоос адуу 28.2 мянга, үхэр 23.9 мянга, хонь 164.2 мянга, ямаа 110.9 мянган толгойгоор өсч, тэмээн сүргийн тоо 332 толгой буурлаа.
Дэлгэрэнгүй

Сүхбаатар аймгийн эхниий 11 сарын нийгэм, эдийн засгийн байдал

Нийтэлсэн: 2014 он 12 сар 09. 21 цаг 15 минут
Хүн ам: Эрүүл мэндийн газраас гаргадаг мэдээгээр эхний 11 дүгээр сард 1223 хүүхэд шинээр мэндэлж, 329 хүн нас баржээ. Хүн амын цэвэр өсөлт 894 болж 2013 оны мөн үеийнхээс 9.6 хувиар буюу 78-аар өслөө. 1000 хүнд ногдох төрөлт 21.8, нас баралт 5.9 байгаа нь өмнөх оны мөн үетэй харьцуулахад төрөлт 1.4 пункт, нас баралт 0.2 пунктээр тус тус өссөн байна. Хөдөлмөр: Хөдөлмөрийн хэлтэст бүртгүүлсэн ажил хайгч иргэдийн тоо 2014 оны 11 дүгээр сарын эцэст 867 болсны 422 нь эмэгтэйчүүд байна. Эдгээр бүртгэлтэй ажил хайгчдын 761 нь ажилгүй иргэд байгаа нь өмнөх оны мөн үеэс 3 дахин буюу 512 хүнээр өсч, 2013 оны 12 дугаар сарын эцсээс 0.3 хувь буюу 2 хүнээр буурсан байна. Эхний 11 дүгээр сарын байдлаар хөдөлмөрийн хэлтэст 2364 иргэн шинээр бүртгүүлсний 1010 иргэн ажилд зуучлагдан орсны дотор 834 нь шинэ ажлын байр байна.
Дэлгэрэнгүй

    7 хоногийн үнийн мэдээ
 /2018 оны 10-р сарын 17-ны байдлаар/
              Нэр төрөл Үнэ /төг/
  Гурил, I зэрэг, кг 1250
  Хонины мах, кг 6000
  Үхрийн мах, кг 7000
  Ямааны ястай мах, кг 5000
  Элсэн чихэр, кг 2017
  Цагаан будаа, кг 2367
  Шингэн сүү, л 1500
  Ноолуур, кг 50000
  Бензин, А-80 1832
  Бензин, А-92 2008
  Дизелийн түлш 2318

     7 хоногийн үнийн динамик дэлгэрэнгүй
          2013 2014 2015 2016 2017 2018